Англия терма жамоаси ярим ҳимоячиси Деклан Райс айни дамда Германияда бўлиб ўтаётган футбол бўйича Европа чемпионатидаги терма жамоанинг ўйини ҳақида гапирди.
"Ватанимиз биз билан фахрланишини истаймиз. Жамоа ғалаба қозонишни, майдонга тушишни ва мухлисларимизга ижобий ҳис-туйғуларни улашишни истайди. Биз яхшироқ бўлишга қодирмиз. Ҳозир бизда бир ғалаба ва бир дуранг бор. Энг яқин мақсад плей-офф босқичига чиқиш. Ишончим комилки, биз у ерда бўламиз", - деди Райс Daily Mail билан суҳбатда.
2024 йилги Европа чемпионати гуруҳ босқичининг сўнгги ўйинида Англия терма жамоаси Словения терма жамоасига қарши майдонга тушади.
