Португалия терма жамоасининг собиқ футболчиси Фернанду Мейра терма жамоа сардори Криштиану Роналду фантастик футболчи бўлиб қолаверади ва Германияда бўлиб ўтаётган Европа чемпионатида олтита гол уришига ишонади.
"Менимча, Роналду Европа чемпионатининг биринчи ўйинида яхши ўйнади. У майдонда бўлганида барча ўйинчилар эътибор беришади, чунки у тўп билан хавфли ва бу фақат голларга тааллуқли эмас. Роналду - фантастик футболчи. Унинг Европа чемпионатидаги истиқболларини ижобий баҳолайман. Ундан ушбу турнирда олтита гол уришини кутаман", — деди Мейра.
Португалия терма жамоаси Европа чемпионати гуруҳ босқичининг 1-тури доирасидаги ўйинда Чехияни 2:1 ҳисобида мағлуб этди, Роналду бутун ўйинни майдонда ўтказди. У олтита Европа чемпионатида ўйнаган биринчи футболчи бўлди.
