Франция терма жамоаси ҳужумчиси Килиан Мбаппе Евро-2024 гуруҳ босқичи ўйинлари оралиғида бўлиб ўтадиган жамоасининг ўртоқлик учрашувида иштирок этади.
Эслатиб ўтамиз, гуруҳ босқичининг 1-турида Австрияга қарши ўйинда (1:0) Килианнинг бурни синган ва шу боис Нидерландияга қарши 2-тур ўйинини (0:0) ўтказиб юборган эди.
RMC Sport нашри хабарига кўра, Франция терма жамоаси бугун (22-июнь) "Падерборн" ўринбосарларига қарши майдонга тушади. Ушбу ўйинда Франция терма жамоасининг барча заҳиралари иштирок этади, жумладан Мбаппе ҳам ҳимоя ниқобини синаб кўрмоқчи.
