Мадриднинг «Реал» клуби ва Украина терма жамоаси дарвозабони Андрей Лунин Евро-2024 гуруҳ босқичининг биринчи турида Руминияга қарши ўйинидан (0:3) сўнг, жамоадошлари ва мураббийи томонидан қўллаб-қувватланди.
"Defence Central" хабарига кўра, мадридликларнинг яна бир дарвозабони Тибо Куртуа Лунин билан боғланган. Бельгиялик украиналикка қўнғироқ қилди, уни қўллаб-қувватлади ва «бу ҳамма билан содир бўлади» деб таъкидлади.
Қайд этилишича, Лунинга қўллаб-қувватлаш сўзлари ёзилган хабарларни Мадриднинг «Реал» клуби бош мураббийи Карло Анчелотти ҳамда футболчилар Давид Алаба ва Даниэль Карвахаль ҳам юборишган.
