"Манчестер Юнайтед" ҳужумчиси Маркус Рэшфорд ўзининг яқин келажаги ҳақида бир қарорга келди. Бу ҳақда The Sun газетаси хабар бермоқда.

Журналистларнинг фикрича, англиялик форвард мавсум омадсиз ўтганига қарамай, манкунианликлар клубини тарк этмоқчи эмас. Футболчи бош мураббий Эрик тен Хагга ҳали ҳам жамоага фойдали бўлиши мумкинлигини исботламоқчи. Футболчининг "қизил иблислар" билан шартномаси 2028 йилнинг ўрталарига қадар тузилган.

Ўтган мавсумда Рэшфорд “Манчестер Юнайтед” сафида 43 та ўйинда қатнашиб, 8 та гол ва 5 та голли узатмага муаллифлик қилган. Унинг трансфер нархи 60 миллион евро.