Бугун, 23 июнь куни Швейцария терма жамоаси Германия терма жамоаси билан 2024-йилги Европа чемпионати гуруҳ босқичидаги сўнгги учрашувини ўтказади.
Айни дамда Швейцария терма жамоаси ҳисобида тўрт очко бор. Швейцарияликлар Германияни мағлуб этса, “А” гуруҳида биринчи ўринни эгаллайди. Ушбу учрашувдаги дуранг Мурод Якин шогирдларига турнир жадвалида иккинчи ўринни эгаллашини кафолатлайди.
Агар Швейцария Германияга ютқазса, Шотландия Венгрияни мағлуб этиб, қўшимча кўрсаткичлар бўйича Швейцариядан ўзиб кетса, иккинчи ўринни бой бериши мумкин.
Гуруҳларида учинчи ўринни эгаллаган энг яхши тўртта жамоа турнирнинг плей-офф босқичига йўл олади.
Бунгача Швейцария Венгрияни мағлуб этган (3:1), Шотландия билан дуранг ўйнаган (1:1).
