Bugun, 23 iyun kuni Shveysariya terma jamoasi Germaniya terma jamoasi bilan 2024-yilgi Yevropa chempionati guruh bosqichidagi so‘nggi uchrashuvini o‘tkazadi.

Ayni damda Shveysariya terma jamoasi hisobida to‘rt ochko bor. Shveysariyaliklar Germaniyani mag‘lub etsa, “A” guruhida birinchi o‘rinni egallaydi. Ushbu uchrashuvdagi durang Murod Yakin shogirdlariga turnir jadvalida ikkinchi o‘rinni egallashini kafolatlaydi.

Agar Shveysariya Germaniyaga yutqazsa, Shotlandiya Vengriyani mag‘lub etib, qo‘shimcha ko‘rsatkichlar bo‘yicha Shveysariyadan o‘zib ketsa, ikkinchi o‘rinni boy berishi mumkin.

Guruhlarida uchinchi o‘rinni egallagan eng yaxshi to‘rtta jamoa turnirning pley-off bosqichiga yo‘l oladi.

Bungacha Shveysariya Vengriyani mag‘lub etgan (3:1), Shotlandiya bilan durang o‘ynagan (1:1).