"Барселона" раҳбарияти ярим ҳимоячи Френки де Йонг билан яна меҳнат шартномасини имзоламоқчи. Diario Sport хабарига кўра, 27 ёшли нидерландиялик футболчининг маоши жуда катта ва "Барселона" уни қисқартирмоқчи.
Манбага кўра, клуб де Йонгга маоши камайтирилган янги меҳнат шартномасини таклиф қилган, бироқ футболчи ҳозирча жавоб қайтармаган. Ўтган мавсумда де Йонг барча мусобақаларда 30 та ўйинда қатнашиб, иккита гол урган.
Футболчининг "Барселона" билан амалдаги шартномаси 2026 йилнинг ёзига қадар тузилган.