Венгрия футбол федерацияси ҳужумчи Барнабас Варганинг соғлиғи ҳақида баёнот берди.
Евро-2024 доирасидаги Шотландияга қарши ўйиннинг 68-дақиқасида Варга дарвозабон Ангус Ганн билан тўқнашиб кетди ва майдонда ётган ҳолда талвасали ҳаракатлар қилди. 29 ёшли форвардга тиббий хизмат кўрсатилаётган пайтда унинг аҳволини бегона кўзлардан яшириш учун унинг атрофига чойшаб тортилди.
Ўйиндан сўнг Венгрия футбол ассоциацияси Варганинг аҳволи барқарор, Штутгарт касалхонасида эканлигини маълум қилди.
"Тўқнашув пайтида Варганинг юзидаги бир нечта суяклар синган. Бундан ташқари, мияси чайқалган. Ҳужумчи катта эҳтимол билан операция қилинади. У тунни Штутгартдаги касалхонада ўтказади. Бутун жамоа унга интиляпти!" - дейилади баёнотда.
