Юлдуз ҳужумчи Лионель Месси Пеп Гвардиоланинг футболчиларни тайёрлаш тизимига таъсири ҳақида гапирди. Аргентиналик футболчининг сўзларига кўра, Гвардиоланинг услубининг ҳам салбий томонлари бор эди.

"Ҳамма Гвардиоланинг даври ҳақида бироз саросимага тушди. Ҳамма ўз жамоаларининг шундай ўйнашини хоҳлай бошлади. Ҳатто 6-7 ёшли болаларга ҳам тезда, икки тегиниш билан ўйнаш кераклиги айтилган. Лекин менимча, биз ёш йигитларни ўз услубларидан маҳрум қилмаслигимиз керак", - дея Мессининг сўзларини келтиради Mundo Deportivo.

Лионель Месси "Барселона"да Пеп Гвардиола бошчилигида ўйнаган. Ўша даврда жамоа кўплаб совринларни қўлга киритди. Месси ҳозирда “Интер Майами”да ўйнайди, Гвардиола эса “Манчестер Сити”ни бошқаради.