Ҳаммаси Руд ван Нистелрой бир пайтлар футболчи сифатида ўйнаган "Манчестер Юнайтед"га қайтиши томон кетмоқда. 47 ёшли мутахассис Эрик тен Хаг мураббийлар штабига қўшилади.
Нидерландиянинг AD нашри хабарига кўра, ван Нистелрой ҳозирда "Манчестер Юнайтед" билан музокаралар олиб бормоқда. Иккала томон ҳам иштиёқга тўла ва нидерландиялик собиқ футболчининг “Олд Траффорд”га қайтиши кутилмоқда.
Руд ван Нистелрой футболчи сифатида 2001-2006 йилларда "Манчестер Юнайтед"да ўйнаган. Бу вақт ичида ҳужумчи 219 та расмий ўйин ўтказиб, 150 та гол ва 30 та голли узатмани амалга оширган.
