Нидерландия терма жамоаси бош мураббийи Рональд Куман Евро-2024 D гуруҳи 3-турида Австрияга қарши бўлиб ўтадиган ўйиндан олдинги фикрлари билан ўртоқлашди.
"Австриянинг ҳар бир ўйинини томоша қилиш қизиқ. Менимча, бу Европа чемпионати жуда яхши ўтмоқда. Фақат биз олган қўллаб-қувватлаш туфайли эмас. Лекин мен кўрган ўнта ўйиндан тўққизтаси қизиқарли ўтди. Бу Австрия каби жамоалар туфайли.
Шунингдек, Швейцария, айниқса, кеча Германияга қарши ўйин менга қойил қолди. Лекин Испания, албатта, ажойиб ва чиройли футбол ўйнайдиган мамлакат.
Менга ёқмаган бирорта ўйин бўлмади. Жуда кўп яхши, кучли жамоалар бор ва биз улардан биримиз", - деди Куман Voetbal International билан суҳбатда.
Нидерландия ва Австрия ўртасидаги учрашув 25 июнь куни Тошкент вақти билан соат 21:00да бошланади.
