Австрия терма жамоаси бош мураббийи Ральф Рангник Нидерландияга қарши 2024 йилги Европа чемпионати гуруҳ босқичи 3-тур учрашуви арафасида терма жамоа ҳужумчиси Марко Арнаутович ҳақида гапирди.
"Мен бош мураббий этиб тайинланганимда, Марко қийин бўлади деб ўйлаган бўлса керак. Лекин мен бундай деб ўйламаган эдим. Шунинг учун у ёнимда ўтирибди, шунинг учун ҳам у Польшага қарши муҳим ўйинда майдонга тушди ва муҳим гол урди. У бизнинг асосий ўйинчимиз. Энди қанотларда ўйнай оладиган даражада тез бўлмаслиги мумкин. Унда марказий ҳужумчида зарур бўлган барча фазилатлар мавжуд.
Бугун мен унинг голланд тилида интервью берганини билдим, кейин эса олти тилда гаплашишини билдим. Фаолияти давомида бунчалик кўп тилларни ўрганган ва уларда нотиқлик ва ақл-заковат билан гапира оладиган футболчи билан ҳеч қачон ишламаганман. Шунинг учун ҳам уни жамоа бир вақтнинг ўзида жуда яхши кўради ва ҳурмат қилади", - дея Рангник сўзларини келтиради УEФА матбуот хизмати.
