Франция терма жамоаси гуруҳ босқичида 1 та гол уриб, Евро—2024 плей-офф босқичига йўлланма олди.
Евро-2024 гуруҳ босқичининг сўнгги турида французлар Польша билан дуранг ўйнади (1:1). Бу ўйиндаги Франция томонидан киритилган ягона гол Килиан Мбаппе ҳисобига ёзилди ва у 56-дақиқада пенальтини голга айлантирди.
Гуруҳ босқичининг аввалги ўйинларида Франция Нидерландия билан дуранг ўйнади (0:0), Австрияни Максимилиан Вебернинг автоголи эвазига мағлуб этди (1:0).
Гуруҳ босқичи якунига кўра, Франция 5 очко жамғариб, “D” гуруҳида 2-ўринни эгаллади ва Европа чемпионатининг плей-офф босқичига йўлланма олди.
