“Орол” ҳамда “Шўртан” ўртасидаги баҳс якунига етгач, иккала жамоа вакилларидан интервью олдик.

ДАВЛЕТ МАХАМБЕТОВ (“Орол” жамоаси бошлиғи):
— Узрли сабабга кўра клубимиз бош мураббийи Неъматилло Қутибоев бугунги ўйинга ташриф буюрмади. Чунки у Универсиада ўйинларига Нукус терма жамоасини тайёрлаш билан банд. Шу боис жамоани ўзим бошлаб келдим. Энди ўйин ҳақида гапирадиган бўлсам, олий лига клуби билан куч синашишни биринчи лиганинг исталган жамоаси хоҳлайди. Гарчи мағлубиятга учраган бўлсак-да, бу ўйин бизга наф берди деб ўйлайман. Менга Ғузордаги стадион ҳам, майдон ҳам жуда ёқди. Бундай майдонларда тўп суришни ҳар бир футболчи хоҳлайди. “Шўртан”га қарши асосан ёш ўйинчиларимиз ҳаракат қилишди. Уларда тажриба ҳали камлиги кўзга ташланди ва шунинг учун йирик ҳисобда мағлубиятга учрадик.