"Барселона" ҳужумчиси Марк Гиу клубнинг янги шартнома бўйича бир қанча таклифларини рад этди. 18 ёшли футболчи тез орада "Челси"га ўтиши керак. Инглиз клуби 6 миллион евролик товон пулини фаоллаштирди.

Инсайдер Фабрицио Романонинг сўзларига кўра, сўнгги пайтларда "Барселона" бир неча бор Гиу билан маошини ошириш ва товон пули миқдорини ошириш билан янги меҳнат шартномаси тузишга уринган, бироқ футболчи бунга рози бўлмаган. Испаниялик футболчи энди "Челси"га ўтишига ишончи комил.

Марк Гиу "кўк-анорранглилар"нинг асосий таркибида еттита ўйин ўтказиб, иккита гол урди.