Грузия терма жамоаси ҳужумчиси Хвича Кварацхелия Евро-2024 гуруҳ турнири 3-тури доирасидаги Португалияга қарши ўйиндан умидлари билан ўртоқлашди.
"Ўтган ўйинлар ҳақида гапириш нотўғри деб ўйлайман. Биз фақат Португалия ҳақида ўйлашимиз керак. Биз Евро-2024да кўпроқ нарсага лойиқ эдик, аммо бу футбол. Португалия билан ўйин бизнинг устувор вазифамиз. Бу қийин ўйин бўлади, биз жуда мотивацияга тўламиз.
Португалия аллақачон плей-офф босқичига чиқди ва бизда икки баравар мотивация бор. Биз ҳамма нарсани қиламиз. Евро-2024 саралашидан чиқишимизга кўпчилик ишонмасди, аммо биз шу ердамиз. Энди ғалаба қозониш, плей-оффга чиқиш ҳақида ўйлаяпмиз. Имконият 1 фоиз бўлса ҳам ҳаммаси мумкин", - дея Кварацхелиядан иқтибос келтиради РБ Спорт.