Gruziya terma jamoasi hujumchisi Xvicha Kvarasxeliya Yevro-2024 guruh turniri 3-turi doirasidagi Portugaliyaga qarshi o‘yindan umidlari bilan o‘rtoqlashdi.
"O‘tgan o‘yinlar haqida gapirish noto‘g‘ri deb o‘ylayman. Biz faqat Portugaliya haqida o‘ylashimiz kerak. Biz Yevro-2024da ko‘proq narsaga loyiq edik, ammo bu futbol. Portugaliya bilan o‘yin bizning ustuvor vazifamiz. Bu qiyin o‘yin bo‘ladi, biz juda motivasiyaga to‘lamiz.
Portugaliya allaqachon pley-off bosqichiga chiqdi va bizda ikki baravar motivasiya bor. Biz hamma narsani qilamiz. Yevro-2024 saralashidan chiqishimizga ko‘pchilik ishonmasdi, ammo biz shu yerdamiz. Endi g‘alaba qozonish, pley-offga chiqish haqida o‘ylayapmiz. Imkoniyat 1 foiz bo‘lsa ham hammasi mumkin", - deya Kvarasxeliyadan iqtibos keltiradi RB Sport.
