Хабарингиз бор, 10 апрель куни Хитой пойтахти Пекин шаҳрида Осиё чемпионлар лигаси гуруҳ босқичининг 4-тур учрашувлари доирасида “Бейцзинг Гуан” ҳамда “Бунёдкор” жамоалари куч синашишади. “Бунёдкор” учун ушбу учрашув катта аҳамиятга эга.

Мазкур муҳим ўйинда “Бунёдкор”ни ёлғизлатиб қўймаслик учун бир гуруҳ ўзбек футболининг ашаддий мухлислари Хитойга йўл олишган. Улар Хитой пойтахтида икки ой олдин қад ростлаган янги 5 юлдузли “Ритан интернешнл” меҳмонхонасига жойлашишган. Кеча, 7 апрел куни мухлисларимиз Пекиннинг эътиборга молик жойларини бориб кўришди, шу қаторда, Ер шарининг етти мўжизасидан бири бўлмиш Буюк Хитой деворига ҳам сафар уюштиришти. Мухлисларимиздан бири эса Хитой деворининг энг юқори чўққиларидан бирига Ўзбекистон байроғини вақтинчалик ўрнатишга ҳам улгурди.

Тушлик зиёфатидан кийин эса Хитой ипакчилик санъати музейига, Чинни буюмлар кўргазмасига ҳамда кунлик сафар сўнгида машҳур “Қуш уяси” стадионига сайр қилишди.

9 апрель куни эса Хитойнинг охирги икки Императори сулоласи, яъни МИН ва ЧИН саройи ҳисобланган ГУГУН саройига, ЕР ОСТИ СУВ ДУНЁСИГА ҳамда ХИТОЙ ЧОЙИ чойхўрлик маросимига ташриф буюришади.

Ўзбекистон байроғини мусофир юртда баланд кўтараётган мухлисларимизга ва албатта “Бунёдкор” жамоасига омад тилаб Ватанимизга ғалаба билан қайтишларини тилаб қоламиз.