Биринчи Лига клуби дарвозабони Ўзбекистон Кубоги ўйинида бош билан гол урди

Тошкентнинг «Локомотив-БФК» клуби жамоа дарвозабонининг урган голи ва пенальтилар сериясидаги ишончли ўйини сабаб Ўзбекистон Кубоги нимчорак финалига йўл олди.

2013 йилдан эътиборан Ўзбекистон Биринчилиги баҳсларида иштирок этадиган Тошкентнинг «Локомотив-БФК» клуби Ўзбекистон Кубоги 1/16 финал баҳслари доирасида 6 апрель, шанба Олий Лиганинг «Металлург» жамоасини қабул қилди. ЎзПФЛ расмий сайтидаги маълумотларга кўра, ўйин асосий вақтида ҳисоб очилмаган ва бош ҳакам Шерзод Қосимов жамоаларни қўшимча вақтга таклиф қилган. Эътиборли томони, 44-дақиқадан бошлаб «Локомотив-БФК» майдонда бир киши кам бўлиб ҳаракат қилган (ҳужумчи Жасурбек Мирзабоев майдондан четлатилган).

Қўшимча 30 дақиқаликнинг 11-дақиқасида «Металлург» Умид Тожимовнинг голи эвазига ҳисобни очишга муваффақ бўлган. Бироқ Рустам Мирсодиқов шогирдлари ғалабани сақлаб қола олишмаган. Учрашув якунланиши арафасида, 120-дақиқада «Локомотив-БФК» бурчак зарбаси амалга ошириш ҳуқуқига эга бўлган. Стандарт вазиятдан етказиб берилган тўпни «Локомотив-БФК» дарвозабони Искандар Анорқулов «Металлург» дарвозасига бош билан жойлаб қўйган.

Қўшимча вақтда 1:1 ҳисобидаги дуранг натижа қайд этилганидан сўнг, учрашув ғолибини аниқлаш учун пенальтилар сериясига мурожаат қилинган. Унда 10:9 ҳисоби қайд этилиб, ёш «темирйўлчилар» ғалаба қозонишган.

«Локомотив-БФК»дан ташқари «Машъал», «Қўқон-1912» ва «Истиқлол» каби Биринчи Лига жамоалари ҳам Олий Лига вакилларини мағлубиятга учратиб, Ўзбекистон Кубоги нимчорак финал йўлланмасини қўлга киритган. 1/16 финалнинг тўлиқ натижалари билан ЎзПФЛ расмий сайтида танишиш мумкин.

Ўзбекистон Кубоги нимчорак финал босқичи доирасидаги дастлабки ўйинлар 27-28 апрель кунлари, жавоб ўйинлари 17-18 май кунлари ўтказилади. Мусобақанинг амалдаги ғолиби Тошкентнинг «Бунёдкор» клуби ҳисобланади.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

14/03 00:45	Торино	4-1	Парма
14/03 01:00	Алавес	1-1	Вильярреал
14/03 18:00	Жирона	3-0	Атлетик Бильбао
14/03 19:00	Интер	1-1	Аталанта
14/03 20:00	Сандерленд	0-1	Брайтон
14/03 20:00	Бёрнли	0-0	Борнмут
14/03 20:15	Атлетико	1-0	Хетафе
14/03 22:00	Наполи	2-1	Лечче
14/03 22:30	Челси	0-1	Ньюкасл
14/03 22:30	Арсенал	2-0	Эвертон
14/03 22:30	Реал Овьедо	1-0	Валенсия
15/03 00:45	Удинезе	0-1	Ювентус
15/03 01:00	Вест Хэм	1-1	Манчестер Сити
15/03 01:00	Реал Мадрид	4-1	Эльче
15/03 16:30	Верона	-	Женоа
15/03 18:00	Мальорка	-	Эспаньол
15/03 19:00	Ноттингем Форест	-	Фулхэм
15/03 19:00	Ман. Юнайтед	-	Астон Вилла
15/03 19:00	Кристал Пэлас	-	Лидс
15/03 19:00	Пиза	-	Кальяри
15/03 19:00	Сассуоло	-	Болонья
15/03 20:15	Барселона	-	Севилья
15/03 21:30	Ливерпуль	-	Тоттенхэм
15/03 22:00	Комо	-	Рома
15/03 22:30	Бетис	-	Сельта
16/03 00:45	Лацио	-	Милан
16/03 01:00	Реал Сосьедад	-	Осасуна

Биринчи Лига клуби дарвозабони Ўзбекистон Кубоги ўйинида бош билан гол урди

ЭНГ КЎП ЎҚИЛГАН ЯНГИЛИКЛАР