Кетма-кет икки ғалабадан сўнг Португалия терма жамоаси учинчи ўйинда Грузия жамоасига имкониятни бой берди. Португалия терма жамоасининг собиқ футболчиси, Жозе Фонтенинг фикрича, Грузия терма жамоаси ўзининг энг яхши ўйинини ўтказди.
"Португалия учун баҳона йўқ, Грузия жамоаси фантастик ўйнади. Улар ҳаётларидаги энг зўр ўйинни ўтказишди. Улар ўзларини аямасдан курашдилар. Юртдошларимдан ҳафсалам пир бўлди. Майдонга чиқмаган йигитлар ўйнаб, ўзларини кўрсатишлари мумкин эди, аммо мағлубият туфайли бу иш бермади. Аммо биз олдинга интилишимиз керак", - дея Фонте сўзларини келтиради BBC Sport.
