Ketma-ket ikki g‘alabadan so‘ng Portugaliya terma jamoasi uchinchi o‘yinda Gruziya jamoasiga imkoniyatni boy berdi. Portugaliya terma jamoasining sobiq futbolchisi, Joze Fontening fikricha, Gruziya terma jamoasi o‘zining eng yaxshi o‘yinini o‘tkazdi.

"Portugaliya uchun bahona yo‘q, Gruziya jamoasi fantastik o‘ynadi. Ular hayotlaridagi eng zo‘r o‘yinni o‘tkazishdi. Ular o‘zlarini ayamasdan kurashdilar. Yurtdoshlarimdan hafsalam pir bo‘ldi. Maydonga chiqmagan yigitlar o‘ynab, o‘zlarini ko‘rsatishlari mumkin edi, ammo mag‘lubiyat tufayli bu ish bermadi. Ammo biz oldinga intilishimiz kerak", - deya Fonte so‘zlarini keltiradi BBC Sport.