Кетма-кет икки ғалабадан сўнг Португалия терма жамоаси учинчи ўйинда Грузия жамоасига имкониятни бой берди. Португалиялик вингер Педро Нето жамоадошлари воқеадан қимматли сабоқ олишлари керак, деб ҳисоблайди.
"Биз бу мағлубиятдан сабоқ олишимиз керак ва асосий сабоқ шундаки, сиз доимо осонлик билан ғалаба қозона олмайсиз. Деярли ўйин бошиданоқ биз мағлуб бўла бошладик, иккинчи голдан сўнг грузинлар янада зичроқ ҳаракат қила бошладилар ва бизга ҳужум қилиш қийинлашди”, — дея Нето сўзларини келтиради BBC Sport.
Ушбу кутилмаган мағлубиятга қарамай, Португалия терма жамоаси ўз гуруҳида биринчи ўринни эгаллаб олди.
