Марказий ҳимоячи Рафаэль Варан "Манчестер Юнайтед"ни тарк этгач, эркин агентга айланади. Франциялик футболчининг “қизил иблислар” билан шартномаси 30 июн куни якунига етади.
Инсайдер Фабрицио Романонинг сўзларига кўра, ўтган мавсум якунида А Серияга чиққан Италиянинг “Комо” клуби 31 ёшли футболчини ўз сафига қўшиб олмоқчи. Жамоа мураббийи Сеск Фабрегаснинг шахсан ўзи тажрибали марказий ҳимоячини таклиф қилишдан манфаатдор.
"Реал Мадрид"нинг собиқ футболчисини ўз сафига жалб қилиш осон бўлмайди, чунки унга Европа ва бошқа қитъалар вакиллари орасида талаб бор.
Варан "Манчестер Юнайтед"да 2021 йилдан буён ўйнаб келмоқда. Сўнгги мавсумда у 32 ўйин ўтказиб, битта гол урган.