"Манчестер Юнайтед" ҳужумчиси Мейсон Гринвуд фаолиятини Франция чемпионатида давом эттириши мумкин.
Журналист Санти Уна хабарига кўра, "Марсель" англиялик футболчининг хизматларига қизиқиш билдирмоқда. Манба берган хабарга кўра, сўнгги кунларда провансликлар "Манчестер Юнайтед" раҳбарияти билан эҳтимолий трансфер ҳақида гаплашишган. Франция клубининг нияти қанчалик жиддий эканлиги ҳозирча маълум эмас.
Эслатиб ўтамиз, ўтган мавсумда Гринвуд Испаниянинг "Хетафе" клубида ижара асосида ўйнаган ва чемпионатда 8 та гол ва 6 та голли узатмани амалга оширган. Аввалроқ, 22 ёшли футболчига Туриннинг "Ювентус" ва "Атлетико" клублари ҳам қизиқиш билдираётган эди.
