Франциялик ярим ҳимоячи Адриен Рабьо "Ювентус"ни тарк этмоқчи, аммо Италияда қолиши мумкин.
Гап шундаки, Италия футболининг яна бир гиганти “Милан” ҳозир унинг хизматларига фаол қизиқиш билдирмоқда. Таклиф тафсилотлари эса аллақачон маълум - "Милан" франциялик футболчини яна бир мавсумга узайтириш имконияти билан икки йил муддатга шартнома имзолашга тайёр. Маоши эса мавсумига 7,5 миллион евро, деб хабар беради pianetamilan.it портали.
Аввалроқ, Туриннинг "Ювентус" клубидан олдин Рабьо Парижнинг “ПСЖ” клубида ўйнаган. Сўнгги икки йилда футболчи "Ювентус"даги жуда муваффақиятли ўйинлари билан ўз мавқеини жиддий ошириб, захира ўйинчисидан клубнинг асосий ўйинчиларидан бирига айланди.
