Килиан Мбаппенинг адвокатлари «ПСЖ»дан форвард олдидаги қарзни тўлашни талаб қилишди.

Аввалроқ, «ПСЖ» Мбаппенинг маоши ва бонусларини апрель ойидан бери тўламагани маълум бўлганди - умумий қарз 100 миллион еврога яқин.

Эслатиб ўтамиз, Килиан клуб билан шартномасини узайтирмаган ва эркин агент сифатида “Реал”га ўтган эди.

Клубнинг фикрича, Килиан кетиши оқибатларини юмшатиш учун унга тегишли сумманинг бир қисмидан воз кечишга рози бўлган, бироқ келишув ёзма равишда расмийлаштирилмаган. Футболчининг сўзларига кўра, февраль ойида раҳбариятга кетиш истагини билдирганидан сўнг, унинг ўйин вақти қисқартирилгани боис шартнома бекор бўлган.

Маълум қилинишича, Мбаппенинг адвокатлари «ПСЖ»га қарзни қайтаришни талаб қилиб, якуний билдиришнома юборишган. Клуб, ўз навбатида, ҳужумчининг талабларини қондириш ниятида эмас, чунки унинг кетганидан сўнг оммавий баёнотларидан норози. Эҳтимол, томонлар бу масалани суд орқали масалани ҳал қилишлари керак.