Kilian Mbappening advokatlari «PSJ»dan forvard oldidagi qarzni to‘lashni talab qilishdi.

Avvalroq, «PSJ» Mbappening maoshi va bonuslarini aprel oyidan beri to‘lamagani ma’lum bo‘lgandi - umumiy qarz 100 million yevroga yaqin.

Eslatib o‘tamiz, Kilian klub bilan shartnomasini uzaytirmagan va erkin agent sifatida “Real”ga o‘tgan edi.

Klubning fikricha, Kilian ketishi oqibatlarini yumshatish uchun unga tegishli summaning bir qismidan voz kechishga rozi bo‘lgan, biroq kelishuv yozma ravishda rasmiylashtirilmagan. Futbolchining so‘zlariga ko‘ra, fevral oyida rahbariyatga ketish istagini bildirganidan so‘ng, uning o‘yin vaqti qisqartirilgani bois shartnoma bekor bo‘lgan.

Ma’lum qilinishicha, Mbappening advokatlari «PSJ»ga qarzni qaytarishni talab qilib, yakuniy bildirishnoma yuborishgan. Klub, o‘z navbatida, hujumchining talablarini qondirish niyatida emas, chunki uning ketganidan so‘ng ommaviy bayonotlaridan norozi. Ehtimol, tomonlar bu masalani sud orqali masalani hal qilishlari kerak.