Машҳур собиқ ҳужумчи Давид Вилья Европа чемпионатида Испания терма жамоасидан нималар кутаётгани ҳақида гапирди.
Гуруҳ босқичини учта ғалаба билан якунлаган ягона жамоа испанлар бўлди. 1/8 финалда “қизил фурия” Грузия терма жамоаси билан тўқнаш келади. Учрашув 30 июнь куни бўлиб ўтади.
“Менимча, Испания жуда узоққа бориши мумкин. Йигитлар ўз чиқишлари билан фахрланишимизга сабаб бўлмоқда. Ҳозир жамоада яна Европа чемпионатида ғалаба қозониш учун реал имконият борлигидан хурсандман.
Мен Испаниянинг муваффақиятига ишонаман, лекин ғолиб битта бўлади, бунга эришиш қийин бўлади. Келинг, худди шу руҳда давом эта оламизми, кўрамиз. Олдинда Грузия терма жамоаси билан испанларнинг ҳаётини мураккаблаштирадиган ўйин бор. Мақсад сари ўйиндан ўйинга ривожланиб боришимиз керак', - дея Вильянинг сўзларини келтиради Mundo Deportivo.
