"Манчестер Юнайтед" бош мураббийи Эрик тен Хаг клуб билан шартномасини узайтиришга яқин турибди. Бу ҳақда The Athletic саҳифаларида чоп этилган материалда айтилади. Шу фонда "қизил иблислар" мураббийлар штабидаги ўзгаришларни муҳокама қилишмоқда.
2023/2024 йилги мавсум охирида жамоа Премьер-лигада саккизинчи ўринни эгаллаганидан сўнг, тен Хаг "Манчестер Юнайтед" бош мураббийлигидан бўшатилиши кутилганди. Бироқ клуб раҳбарлари нидерландиялик мутахассис билан ҳамкорликни давом эттиришга қарор қилишди.
"Манчестер Юнайтед" келаси мавсумда Европа лигасида Англия шарафини ҳимоя қилади.
