"Реал"нинг ўнг қанот ҳимоячиси Дани Карвахаль Испания терма жамоасининг Евро-2024даги ўйини ҳақида гапирди.
Луис де ла Фуэнте шогирдлари гуруҳ босқичида муваффақиятли ўйин кўрсатиб, учта ўйинда ҳам ғалаба қозониб, бирорта ҳам гол ўтказиб юбормади. 1/8 финалда "қизил фурия" Грузия терма жамоаси билан тўқнаш келади.
"Ҳеч ким бизни турнир фаворитлари деб ҳисобламади ва энди буни афзаллик сифатида кўриш мумкин – биз кўпроқ эркин ўйнай оламиз. Ғалабага асосий даъвогарлар қаторидан жой олишга лойиқ эканимизни исботладик. Олдинда плей-офф, жуда узоқ ва қийин йўл турибди. Аввало, биз Грузия билан ўйинга эътибор қаратишимиз керак", - деди Карвахаль AS нашрига берган интерьвюсида.
Испания ва Грузия терма жамоалари ўртасидаги учрашув 30 июнь куни бўлиб ўтади.
