"Real"ning o‘ng qanot himoyachisi Dani Karvaxal Ispaniya terma jamoasining Yevro-2024dagi o‘yini haqida gapirdi.
Luis de la Fuente shogirdlari guruh bosqichida muvaffaqiyatli o‘yin ko‘rsatib, uchta o‘yinda ham g‘alaba qozonib, birorta ham gol o‘tkazib yubormadi. 1/8 finalda "qizil furiya" Gruziya terma jamoasi bilan to‘qnash keladi.
"Hech kim bizni turnir favoritlari deb hisoblamadi va endi buni afzallik sifatida ko‘rish mumkin – biz ko‘proq erkin o‘ynay olamiz. G‘alabaga asosiy da’vogarlar qatoridan joy olishga loyiq ekanimizni isbotladik. Oldinda pley-off, juda uzoq va qiyin yo‘l turibdi. Avvalo, biz Gruziya bilan o‘yinga e’tibor qaratishimiz kerak", - dedi Karvaxal AS nashriga bergan intervyusida.
Ispaniya va Gruziya terma jamoalari o‘rtasidagi uchrashuv 30 iyun kuni bo‘lib o‘tadi.
