"Тоттенхэм" "Кристал Пэлас"нинг ҳужумкор ярим ҳимоячиси Эберечи Эзе учун курашда рақибларини мағлуб этишга ишонмоқда. 25 ёшли футболчи ўтган мавсумни муваффақиятли ўтказди ва бир қатор Премьер-лига гигантларининг эътиборини тортди.
Журналист Гари Жейкобнинг сўзларига кўра, "Тоттенхэм" Эзенинг трансфери учун ҳаракат қилишда давом этмоқда. "Шпорлар" раҳбарияти "Ливерпуль", "Манчестер Юнайтед" ва бошқа юқори мақомга эга клубларнинг рақобати келишувга халақит бермаслигига ишонч билдирмоқда.
Лондонликлар Евро-2024дан сўнг дарҳол музокараларни тезлаштиришни режалаштирмоқда. Эберечи Эзе Англия терма жамоаси сафида бешта ўйин ўтказган. Европа чемпионатида футболчи бир марта майдонга тушиб, Дания билан учрашувда захирадан майдонга тушган. Transfermarkt портали Эзенинг нархини 55 миллион еврога баҳоламоқда.
