"Tottenxem" "Kristal Pelas"ning hujumkor yarim himoyachisi Eberechi Eze uchun kurashda raqiblarini mag‘lub etishga ishonmoqda. 25 yoshli futbolchi o‘tgan mavsumni muvaffaqiyatli o‘tkazdi va bir qator Premyer-liga gigantlarining e’tiborini tortdi.

Jurnalist Gari Jeykobning so‘zlariga ko‘ra, "Tottenxem" Ezening transferi uchun harakat qilishda davom etmoqda. "Shporlar" rahbariyati "Liverpul", "Manchester Yunayted" va boshqa yuqori maqomga ega klublarning raqobati kelishuvga xalaqit bermasligiga ishonch bildirmoqda.

Londonliklar Yevro-2024dan so‘ng darhol muzokaralarni tezlashtirishni rejalashtirmoqda. Eberechi Eze Angliya terma jamoasi safida beshta o‘yin o‘tkazgan. Yevropa chempionatida futbolchi bir marta maydonga tushib, Daniya bilan uchrashuvda zaxiradan maydonga tushgan. Transfermarkt portali Ezening narxini 55 million yevroga baholamoqda.