«ПСЖ» клуби ҳимоячиси Тиаго Силва чемпионлар лигаси доирасидаги «Барселона»га қарши ўйин ҳақида фикр билдирар экан Каталония клубининг мухлиси эканини таъкидлаб ўтди.
«Ўйинга тайёрман, ҳеч қандай муаммо йўқ.
Месси ўйнайдими, йўқми билмайман. Уни тўхтатиш осон эмас. Лео тўпни олганида худди уни оёғига ёпиштириб олгандай ҳаракат қилади. Унинг майдонга тушмаслиги менга ва жамоага енгиллик туғдириши мумкин, лекин уларда Вилья ва Педро бор. Уларда нафақат дунёнинг энг яхши футболчилари ўйнашади, балки улар — дунёнинг энг яхши жамоаси.
Ўтган мавсумда «Барселона» агентим билан учрашган, лекин бу вақтга келиб биз «ПСЖ» билан келишувга эришган эдик.
Лекин нима бўлишини ҳеч ким билмайди. Болалигимда «Барселона»га мухлислик қилардим. «Барселона»да Ромарио, Ривалдо, Роналдо каби ҳамюртларим ҳаракат қилишарди. Мен «Барселона»нинг биринчи рақамли мухлиси эдим ва эртанги ўйиндан кейин ҳам шундай бўлиб қолади»,- дейди футболчи.