Испания терма жамоаси ҳимоячиси Начо грузиялик вингер Хвича Кварацхелия ҳақида гапирди. Испания ва Грузия терма жамоалари Евро-2024 1/8 финалини келаси якшанба куни ўтказади.
"У шубҳасиз ўзгача футболчи. Биз ўтган мавсумда Чемпионлар лигасида икки марта "Наполи" билан ўйнадик ва мен буни бутунлай бошқача деб айтган бўлардим.
У жуда тез ва яккама-якка ўйинда жуда яхши. Ҳеч шубҳа йўқки, у Грузия етакчиси ва биз курашишимиз керак бўлган асосий таҳдид. Одамлар бизни бу ўйинда фаворит деб ҳисоблашлари мумкин, аммо бу биз учун ҳеч нарсани англатмайди", — дея футболчининг сўзларини келтиради УEФА матбуот хизмати.
