Франция терма жамоасининг собиқ футболчиси Эммануэль Пети ҳужумчи Килиан Мбаппенинг "Реал Мадрид"да қайси позицияда ўйнаши ҳақида ўз фикри билан ўртоқлашди.
"Реал Мадрид"даги ягона эркин позиция - бу ҳужумчи. Карло Анчелотти қандай ўйнашини билмайман. Лекин ишончим комилки, у Винисиусни чап қанотдан четлатмайди ва ҳужум марказига қўймайди. Жуниор Мбаппенинг кўчиб ўтишидан қийналмайди, чунки у "Реал Мадрид" учун катта футболчи. Анчелотти Килианга яхшилик қилиб, уни Винисиуснинг ўрнига қўяди деб ўйламайман. Мбаппе бу ҳақда билади", - деди Пети AS билан суҳбатда.
Эслатиб ўтамиз, Мбаппе шу ёзда "Реал"га ўтиб, беш йиллик шартнома имзолаган эди.
