Ҳужумчи Никлас Фюллькруг Германия терма жамоасининг Данияга қарши Европа чемпионати 1/8 финалида асосий таркибда майдонга тушиши мумкин. Бу ҳақда Sky нашри хабар беради.
Манбанинг хабарига кўра, Никлас Фюллькруг ҳам, Кай Хаверц ҳам асосий таркибдан жой олиш вариантини инкор этиб бўлмайди. Бунда Флориан Вирц захирада ўтиради. Бироқ якуний қарор ҳали қабул қилинмаган.
Қайд этилишича, Антонио Рюдигер сўнгги машғулотларда иштирок этган. Ҳимоячи Данияга қарши майдонга тушадими ёки йўқми кейинроқ ҳал бўлади. Евро-2024 доирасидаги Германия ва Дания терма жамоалари ўртасидаги учрашув 29 июнь, шанба куни бўлиб ўтади.
