"Челси" аргентиналик ҳимоячининг трансфери устида ишламоқда.
Лондон клуби ва "Бока Хуниорс" Аарон Ансельминонинг трансфери бўйича музокаралар олиб боришмоқда, дея хабар беради журналист Сезар Луис Мерло. Битим бонусларни ҳисобга олмаганда 18 миллион долларни ташкил қилиши мумкин. Аввалроқ футболчининг шартномасида товон пули 25 миллион доллар кўрсатилгани хабар қилинганди.
Томонлар ҳали тўлиқ келишувга эриша олишмади: Аргентина клуби 19 ёшли футболчини яна бир йилга сақлаб қолиш ниятида, инглизлар эса уни ёзда янги жамоага ўтишини исташмоқда.
"Бока Хуниорс"нинг асосий жамоаси таркибида Ансельмино 10та ўйин ўтказиб, 1та гол урди.
