"Ювентус"нинг собиқ бош мураббийи Массимилиано Аллегри Сербия терма жамоасининг янги мураббийи бўлмоқчи. Бу ҳақда Tuttosport хабар бермоқда.

Эслатиб ўтамиз, 2024 йилги Европа чемпионати гуруҳ босқичи якунига кўра Сербия терма жамоаси бирорта ҳам ғалаба қозона олмади ва атиги икки очкони қўлга киритди. Драган Стойкович шогирдлари "С" гуруҳида сўнгги ўринни эгаллаб, турнирни тарк этишди. Словения, Дания ва Англия терма жамоалари турнир жадвалида серблардан юқорида бўлди. Стойковичнинг ўзи турнирни тарк этгач, Сербия бу Еврода ўзини муносиб кўрсатганини айтди. Қўшимча қиламизки, 59 ёшли Стойкович Сербия терма жамоасини 2021 йилнинг март ойидан буён бошқариб келмоқда.