"FourFourTwo" саҳифаларида дунёнинг энг яхши дарвозабонлари рейтинги эълон қилинди. Биринчи ўрин «Ливерпуль» ва Бразилия терма жамоасида ўйнаётган Алиссонга насиб этди. Иккинчи поғонада Англия Премьер-лигасида тўп тепаётган яна бир бразилиялик футболчи – «Манчестер Сити» дарвозабони Эдерсон. Кучли учликни «Барселона» ва Германия терма жамоаси дарвозабони Марк-Андре тер Штеген якунлаб турибди.
Кейинги қаторларда Майк Меньян, Мануэль Нойер, Жанлуиджи Доннарумма, Ян Облак, Эмилиано Мартинес, Янн Зоммер ва Гиорги Мамардашвили ўрин олган.
Айтиш жоизки, ўнинчи қаторда турган Мамардашвили Грузия терма жамоаси учун Евро-2024да ажойиб ўйин кўрсатмоқда.
