Суперлига 13-турига якун ясаб берган ўйинлардан бири Жиззахдаги "Марказий" стадионида бўлиб ўтди. Унда «Сўғдиёна» ўз майдонида «Динамо»ни қабул қилиб, 4:2 ҳисобида ғалаба қозонди.
Мезбонлардан Владимир Йовович, Шоҳрух Абдураҳмонов, Хондамир Мустафоқулов ва Самандар Синдаров томонидан киритилган голларга самарқандликлардан Ратиньо ва Санжар Шоаҳмедов жавоб қайтарди.
Жиззахликлар ҳимоячиси Сардор Қулматов 84-дақиқада иккинчи сариқ карточкани олгани сабабли майдондан четлатилди.
«Сўғдиёна» бу ғалаба орқали 3-ўринга кўтарилди - 23 очко. «Динамо» 14 очко билан 11-поғонага жойлашган.
