"Челси" ярим ҳимоячиси Коул Палмер Энцо Маресканинг мураббийлик қобилияти ҳақида ўз фикрлари билан ўртоқлашди.
Италиялик мутахассис мавсум якунида кетган Маурисио Почеттино ўрнига тайинланган эди. Палмер "кўклар"нинг янги бош мураббийини "Манчестер Сити"да бирга ишлаганидан билади.
"Сити"нинг иккинчи жамоасида ўйнаб юрганимда, Мареска мени ўнг қанотда ишлатди - бу менинг бу позициядаги биринчи тўлиқ мавсумим эди. Энцо жуда яхши мураббий, жуда зўр. Тактикага келсак, у нима қилаётганини аниқ билади. У билан кўплаб ўйинчилар яхшироқ бўлишади", - дея Палмернинг сўзларини келтиради The Telegraph.
