"Барселона" ҳужумчиси Ансу Фати келаси мавсумда қаерда ўйнашини ҳали билмаяпти.
Каталония клуби 21 ёшли футболчига Ханс-Дитер Флик қўл остидаги мавсумолди машғулотларида қатнашишига рухсат беради, аммо айни дамда "блауграна" раҳбарлари испанияликни сотишга мойил. "Барселона" Фати билан доимий равишда хайрлашиш вариантларини қидирмоқда - ҳозирча ҳаммаси фақат ижарага тайёр бўлган Ла Лига вакилларининг қизиқиши билан чегараланган.
"Барселона" учун оптимал ечим Фатини Саудия Арабистони клубига сотиш бўларди, аммо бу вариантни, Sport хабарига кўра, форварднинг ўзи рад этади. У Европада фаолиятини давом эттириш ниятида.
