Ҳужумчи Хоселу “Реал”ни тарк этиб, Қатарнинг “Ал-Гарафа” клубига ўтди.
Жума куни иккала клуб ҳам келишувни тасдиқлади. Бундан бироз аввал "Лос Бланкос" 34 ёшли форвардни "Эспаньол"дан сотиб олганди.
“Бу хайрлашув сўзларини ёзиш ғалати. Бу академияда ўйнаганимиздан то ўтган мавсум қайтгунингизча ажойиб саёҳат бўлди. Сиз билан бирга майдонга тушиш жуда ёқимли эди, биринчи кунданоқ сиз бутун жамоа меҳрини ва ҳурматини қозонишга муваффақ бўлдингиз.
Қайтганингиз ва 16 ёшли болакайдек иштиёқ билан ўйнаганингизни кўриш жуда зўр бўлди ва энди сиз чиройли иш қилиб кетяпсиз. "Реал Мадрид"да бошдан кечирган барча лаҳзалар учун раҳмат", - деб ёзди Карвахаль ижтимоий тармоқларда.