Англия терма жамоаси бош мураббийи Гарет Саутгейт Европа чемпионати 1/8 финалида Словакияга қарши ўйиндан олдинги фикрлари билан ўртоқлашди.
"Словения билан ўйинда биз тўпни бироз баландроқ қабул қилдик ва ҳужум зонасига киришдан олдин уни хотиржамроқ назорат қилдик. Муаммо шундаки, бир вақтнинг ўзида биз хоҳлаганча хавфли дақиқаларни яратмадик.
Олдин содир бўлган ҳамма нарса энди аҳамиятсиз. Олдинга бориш учун бизда таянадиган нарса бор, лекин айни пайтда бу янги синов, турнирнинг бошқа босқичи турибди. Бу ердаги ҳар бир ўйин бир-биридан ажралиб туради ва баъзида кутилмаган бурилиш ясаши мумкин.
Словакия юқори прессинг қилади ва ишончли ҳимоя қилади, шунинг учун сиз бу босимдан чиқиб кета олишингиз керак. Бу энг қийин синов бўлади", - деди Саутгей УЕФА матбуот хизматига.
Англия - Словакия учрашуви 30 июнь куни бўлиб ўтади. Учрашув Тошкент вақти билан соат 21:00 да бошланади.
