Англия терма жамоаси ҳужумчиси Энтони Гордон 2024 йилги Европа чемпионатида иштирок этиш таассуротлари ҳақида гапирди.

“Ўйлайманки, менинг асосий кучли томоним мен тезкор ва мақсадга интилувчанман. Мен билан тўқнаш келиш ҳар қандай рақиб учун даҳшатли туш эканини биламан, шунинг учун мен оптимистман.

Евро-2024'га чақирувим ҳақида қандай фикрдаман? Мен учун бундан муҳимроқ нарса йўқ. Мен учун футболнинг чўққиси йирик турнирда юртим шарафини ҳимоя қилишдир.

Бундан муҳимроқ нарсани тасаввур қилиш қийин", - дея Гордоннинг сўзларини келтиради УEФА расмий сайти.