Сўнгги ҳафталар ва ойларда матбуотда ярим ҳимоячи Жоау Палиньянинг «Фулхэм»дан «Бавария»га ўтиши мумкинлиги ҳақида кўп ёзилди. Бу ҳақда 28 ёшли футболчининг ўзи изоҳ берди. Португалия терма жамоаси вакили Мюнхенга ўтишни истаётганини очиқ айтди.
«Ҳозир бор эътиборимни Европа чемпионатига қаратганман. Клуб миқёсидаги келажагимга келсак, иккала клуб ҳам бир неча ойдан кейин қаерда ўйнашни хоҳлашимни билишади», - дея Палинья сўзларини келтирмоқда "B24".