«ПСЖ» бош мураббийи Луис Энрике келаси мавсум учун жамоа таркибини тузишни режалаштирмоқда. "Footmercato" ўз саҳифаларида хабар беришича, испаниялик мутахассис ҳимоячи Милан Шкриньярни режаларига киритмаган. Парижликлар ёзда 29 ёшли словакияликдан қутулишга интилишади, айниқса унинг катта маошини ҳисобга олган ҳолда.
Манбага кўра, Шкриньярга Туркиянинг «Фенербахче», «Галатасарой» ва «Бешиктош» клублари қизиқиш билдирмоқда.
"Transfermarkt" портали экспертлари Милан Шкриньярни 30 миллион еврога баҳоламоқда. Ҳимоячининг Париждаги амалдаги шартномаси 2027/2028 йилги мавсум охиригача амал қилади.
