Италия терма жамоаси бош мураббийи Лучано Спалетти жамоа Европа чемпионатини тарк этганидан сўнг келажаги ҳақидаги саволга жавоб берди. Хабарингиз бор, италияликлар 1/8 финал босқичида Швейцарияга 0:2 ҳисобида имкониятни бой беришган эди.
“Масъулият ҳар доим мураббийда. Мен Гравина [Италия футбол федерацияси президенти] билан гаплашаман ва вазиятга ойдинлик киритамиз. Мен ҳеч қандай баҳона изламоқчи эмасман. Бу тажриба бизга устида ишлашимиз керак бўлган нарсалар ҳақида гапириш имкониятини беради", - дея Спалетти сўзларини келтирмоқда Tuttosport.
